أحمد عادل
أصدر الرئيس عبدالفتاح السيسي، توجيهاته إلى الدكتور مصطفى مدبولي رئيس مجلس الوزراء بتخصيص مبلغ 10 مليارات جنيه لصندوقي تنمية الأسرة وكبار السن.
جاء ذلك خلال حضور الرئيس عبدالفتاح السيسي، والسيدة قرينته صباح الخميس، مقر احتفالية يوم المرأة المصرية، بمركز المنارة الدولي للمؤتمرات.
وخلال اللقاء توجه الرئيس السيسي بكلامه إلى رئيس الوزراء ردًا على حديث الدكتورة نيفين القباج وزيرة التضامن الاجتماعي: قائلا لها «يادكتورة متسبيش مكانك لغاية ما تاخدي حقك، أه طبعًا خدي حقك الأول، مش كدا، ما هو لو نزلتي الدكتور مصطفى مش هيدفع خلاص، والدكتور مصطفى دلوقتي قدام الناس ميقدرش يقول لأ».
![احتفالية يوم المرأة المصرية](https://wakae3.com/wp-content/uploads/2024/03/2024_2_28_13-300x168.jpg)
وأضاف الرئيس، للدكتور مصطفى مدبولي، رئيس مجلس الوزراء: «مش كدا يادكتور مصطفى؟ طب كام بقى للأسرة وكبار السن؟ “طب حد يلحق الدكتور، ومعيط موجود بقى؟ براحتك بقى».
ورد الدكتور مصطفى مدبولي على الرئيس السيسي: «تحت أمر حضرتك يافندم، وبقترح لحضرتك يكون 5 مليار لصندوق تأمين الأسرة، واللي حضرتك تأمر بيه»، ليرد بعدها الرئيس السيسي: «لأي صندوق فيهم؟ أنت عامل حسابك على واحد بس صح».
وردت وزيرة التضامن الاجتماعي: فيه صندوق تاني بس ممكن ناخد للاتنين، وأعقب ردها الرئيس السيسي: لا هناخد لدا ولدا، – يقصد كبار السن وصندوق تنمية الأسرة.
وتابع “السيسي”: الفكرة إن الدكتور مصطفى هو المشرف على الصناديق دي، وكل اللي هنقدر نجيبه للصناديق دي هنكون حريصين نحافظ على الأصول، وكل ما هتدخل موارد أكتر من الإيرادات كل ما الرقم هيزيد وهنقدر نقدم خدمات أفضل، بس حافظوا على أصول الصندوق سواء للأسرة أو كبار السن تفضل تزيد، ووالله كنت عايز أكتر من كدا، وعلى كل حاجة علشان منضغطش على الدكتور، هنخليها 5 مليار و 5 مليار، وكل سنة وأنتم طيبين.
الرئيس يحضر احتفالية يوم المرأة المصرية
وتقدم الرئيس عبدالفتاح السيسي، بالشكر للفنان هاني شاكر بعد أداء أغنية بمناسبة احتفالية يوم المرأة المصرية في مركز المنارة.
وقال الرئيس السيسي: «أنا سعيد جدًا إني شوفتك النهاردة.. وكل سنة وإنت طيب».
ويشهد الرئيس السيسي وقرينته السيدة انتصار السيسي، الحفل؛ تقديرًا لدور المرأة المصرية وتأكيدًا على احترام المرأة المصرية التى تناضل فى كل ميادين الحياة.
تعليق واحد
تعقيبات: ختام برنامج إعداد القيادات النسائية للأحزاب السياسية بالشرقية - بوابة الوقائع