بوابة الوقائع لكل خبر حكاية
مقالات مشابهة
سوهاج \ ماهر البدري
أمرت النيابة العامة بسوهاج بحبس المتهم بقتل زوجته واثنين آخرين 4 أيام على ذمة التحقيقات وطالبت المباحث بتوسيع التحريات للتأكد من اعترافات المتهم بالقتل من أجل الشرف.
كانت وزارة الداخلية أعلنت عن القبض على المتهم بقتل زوجته واثنين آخرين من جيران الزوجة واعترف بقتل الزوجة والجيران بعد معرفته بخيانتها له معهما، بمذبحة عمارات الشوش التابعة لقرية بلصفورة بسوهاج.
وقال الزوج في اعترافاته “قتـلتها علشان أغسل عـارى.. وقتـلت الإتنين اللى خـانتنى معاهم ولو كانوا ألف واحد برضو كنت هقـتلهم علشان أى حد ممكن يكـ.سر عينى أو عين حد من عيلتى مينفعش يبقى عايـش على وش الدنيا”.
وأكمل “رجعت من ليبيا مخصوص علشان أغسل شرفى وألملم عارى بعد ما وصلتنى فيديوهاتها معاهم لغاية هناك.. مراتى سمعتها وصلت للدول العربية يا ناس وعايزينى مقـ.تلهاش؟!”
واعترف الزوج قائلا: “أنا بشتغل فى ليبيا وكنت ببعت لها فلوس أول بأول ومكنتش أعرف أنها بتصرفها على عشـيقها اللى مستأجر محل تحت العمارة وبيسـتغل غيابى وعامل علاقة معاها ومصور لها فيديوهات بيهددها بيها علشان يجيب صاحبه كمان يمارس معاها وإلا هيفضحها.. دا غير إنه كان بياخد منها كل الفلوس اللى معاها تحت التهديد، ولما فلوسها خلصت طبعا السافل نشر لها مقاطع فيديو على النت ووصلتنى المقاطع لغاية ليبيا، دمي فار وحسيت بغليان فى جسمى وسيبت الشغل وقلتلهم أنا مسافر مصر حالا”
وأضاف “فضلت أعد الثوانى والساعات والخطوات لغاية ما وصلت سوهاج واتجهت مباشرة ناحية صاحب المحل اللى تحت البيت وفضلت أضرب فيه بالسكين اللى معايا لغاية ما روحه طلعت على إيدى.. قتلته فى الشارع وقدام كل الناس وبعد كدا طلعت البيت ولقيت الفاجرة فى وشى فنزلت فيها ضرب وطعنتها بالسكين لغاية ما ماتت”.
وأكمل اعترافاته “كان الشخص التالت اللى معاهم موجود فطـعنته بالسكين وفضلت اطعن فيه لغاية ما مات وساعتها يادوب حسيت إنى أقدر أرفع عينى وأبص فى الناس واستنيت الشرطه تيجى تاخدنى بعد ما غسلت عارى ورفعت راسى وراس عيلتى كلها”.
تم القبض على المتهم وإحالته للنيابة العامة بسوهاج فأمرت بحبسه 4 أيام على زمة التحقيقات والتحفظ على السلاح الأبيض المستخدم في الجريمة مع انتداب الطب الشرعي لتشريح الجثامين وإعداد التقارير الفنية اللازمة واستكمال التحريات حول الواقعة لمعرفة صدق أقوال المتهم من عدمه.
