بوابة الوقائع لكل خبر حكاية
مقالات مشابهة
نقلا عن صفحة أخبار المنوفية
أثارت علياء البلوجر المشهورة على مواقع التواصل الاجتماعي باسم عليان قمرون ، الكثير من الجدل بين متعاطف معها ويرى أنها مريضة وضحية لمجتمع وأسرة مفككة وبين ساخر منها.
فما هي قصة علياء قمرون .. والدها يكشف تفاصيل صادمة
علياء من مدينة تلا بمحافظة المنوفية بحسب ما نشرت صفحة أخبار المنوفية واالتي التقت بولدها في الحوار االتالي
قال: علياء بنتي من مراتي الأولى، مراتي اللي انفصلت عني ورميتها ومشيت وهي عندها سنة ونص او اقل كمان.
قال أنا على باب الله راجل ارزقي بشتغل واكافح علشان اكفي بيتي مش بقول اني غني لكن مستورة الحمد لله، قال أنه اتجوز بعد جوازته الاولى لكن ما قعدتش كتير معاه ومن ضمن الأسباب أن علياء كانت بتقول انها بتضربها فطلقها.
قال أنه تزوج بعدها زوجته الحالية اللي مخلف منها 3 اولاد، قال أنه كان زي ما بيجيب للطفل الصغير كان بيجيب لعلياء سواء مصاصة زبادي لبانة كيس شيبسي أي حاجة كان لازم زيهم، بيقول كنت عارف ان عدم وجود الأم كان مأثر عليها فكنت بحاول اعوضها رغم أن عمري ما حرمتها من امها لدرجة اني كنت بروح بيها لأمها اركب قطر اكتر من ساعتين لكن امها كانت بترفض تشوفها.
قالنا كمان أن علياء هربانة من البيت ومش أول مرة للاسف تعمل كده، قال إنها عملتها اكتر من 10 مرات، قال إنه راح جابها من السويس مرة ومن هنا ومن هنا وكان بياخد عربية مخصوص يروح يجبها ويجي.
قال انها ذكية جداً لكن مصدرة دماغها في التسول والحاجات دي، قال بدأت تسول من وهي في 3 اعدادي في مدينة تلا، كنت بقفل عليها بالاسبوع واكتر تهرب وتسيب البيت بأي طريقة.
قال انها كانت بتطلع نسخة على المفتاح أو تفك حديد الشبابيك وتهرب ده على كلامه، قال كمان أنها دايما ناقمة على عيشتها ومش حابة تعيش كده هي عاوزة فلوس واللبس زي ولاد عمها وولاد عمتها اللي مسافرين برة ومعاهم فلوس ومعاه دم ايفون انما هي شايفة لبسها مش حلو وموبايلها مش حلو واكلهم مش حلو هي عاوزة ديلفري وأكل من برة.
قال آخر مرة اللي مشيت فيها وخلاص سببتها راحت قدمت فيا شكوى كيدية وقعدت قرب شهر في السجن وخرجت بكفالة بالعافية والحمدلله ربنا عداها لكن هي اذتني في أكل عيشي، قال عمرها ما كانت تقدر تفتح تيك توك في البيت انا رافض أنها تكون معاها موبايل اصلا، الموبايل اللي تشيله موبايل بزراير، هي شايفة عمتها وبنت عمتها بيفتحوا لايفات ويعملوا فيديوهات وبالمناسبة انا مقاطع اختي بسبب انها بتعمل فيديوهات بردو.
قال انا كتبت البوست علشان الناس بتعايرني بيها بتقولي انت رامي لحمك ومش بتسأل فيها، هي كلمتني انها ترجع البيت تاني لكن بتشرط عليا تفتح لايفات بتقولي أن اللايف أقل يوم بيدخلها 5000 جنيه وممكن ياخد نصهم لو عاوز كمان وهي بحجابها لكن هو قالها لو هتكوني على سجادة الصلاة لا.
قال أنا ناشدت المسؤولين أن حد ياخدها يدخلها مصحة بسبب الكلام الكتير اللي بيجي من وراها لاني مش معايا الإمكانيات المتاحة أن ادخلها مصحة واعالجها، قال أنا عاوز بس اربي العيلين دول ويطلعوا كويسين محدش يعايرهم بيها في حياتهم وكده كده هي بتقول عليا اني ميت ومن وهي صغيرة ومش معترفة اني موجود أصلا
يذكر أن علياء تعيش حاليا بمفرده في مدينة طنطا التابعة لمحافظة الغربية حيث يقول والدها: أنا مش عارف هما مين ولما سألناه قاعدة فين قال بتأجر شقة وتقعد فيها وخلاص.
وهو الفترة الأخيرة كتب بوست بيطلب من الناس اللي يعرفوهم محدش يجيب سيرتها ولا يعايره بيها وأنه مش بايده أي حاجة من الحاجات اللي بتعملها
