بوابة الوقائع لكل خبر حكاية
مقالات مشابهة
كتبت فاطمة محمد زكي
تتابع بوابة الوقائع اليوم أحداث مسلسلات رمضان 2025 ومنها مسلسل فهد البطل بطولة أحمد العوضي والذي يعرض ضمن دراما رمضان على عدد من القنوات المصرية.
بداية الحلقة 23 من مسلسل فهد البطل صدمة
فهد رجع البيت لقى كناريا وامها واقعين على الارض ولما حاول يفوق امها عشان يفهم في ايه قالت له نسوان دخلوا علينا وخضرونا وفضلوا يضربوا في كناريا وراويه وريكو وصلوا البيت بسرعه واخذوهم على المستشفى وهناك الدكتور قال لهم ان كناريا كويسه وبخير لكن حصل اجهاض للجنين.
كناريا بتحكي لفهد عن اللي حصل وازاي الستات دول دخلوا البيت وضربوها وفهد بيقول لها حقك عليا يا كناريا انا عارف ان اللي حصل لك ده اكيد بسببي بس انا عايزك تعرفي ان اللي راح ده ابنك زي ما هو ابني وربنا يعلم انا مكسور ازاي دلوقتي بس مش فارق معايا اي حاجه غير انك كويسة
وولاء بتقول لها بركه انك كويسه يا اختي ابوكي تعيشي انتي خبطته عربيه لما انتوا نزلتوا وانا رحت علشان اجيب لك هدوم بعد كده ناس من الاسم دخلوا وقالوا لي انك لازم تيجي تستلمي الجثة
عجيبة بتقابل الدكتور وبتهدده
عجيبه راحت للدكتور واول لما بشوفها بيتوتر وبتقول له مالك يا دكتور هو بيقول لها ما كنتش منتظر بس ان انت تيجي وهي بتقول له طبعا كنت منتظر عبود يقول لي العمده غلاب والعمده يقطع لساني بس بيقولوا يا دكتور ان عبود لقوه على الترعه مقتول تحب تحصله انت وولدك ولا تعقل.
اسمع يا دكتور هو يوم او يومين بالكتير وهتيجي لك جثه وفاء انت عارف هتعمل ايه ولا هتشوف لولدك فضيحه تخليكوا تحطوا من تراب الارض على راسكم زي الحريم فاهم
عمرو راح لاسيا وقال لها ممكن اتكلم معاكي شويه هي ايه حكايه فهد البطل ده واسيا بتقول له فهد يبقى جوزي وعمرو بيقول لها ما انا عارف بس الجوازه اللي جت فجاه دي معناها ايه واسيا بتقول له معلش ما لحقتش اقول لك وعمرو بيقول لها ويا ترى بقى ما لحقتيش تقولي لي ايه انك عارفه فهد وبتحبيه ولا انك كنت حامل.
واسيا بتقول له انت اتجننت انت ازاي تتكلم معايا بالاسلوب ده وعمرو بيقول لها انا اسف بس انا حابب اقول لك ان فهد ده مسجل خطر وعنده ملف لانك لو ما تعرفيش المعلومات دي فبحكم المشاعر اللي بينا لازم اقولها لك اما بقى لو كنت عارفه وتوفيق بيه عارف فدي علامه استفهام بالنسبه ليا.
واسيا بتقول له طيب يا عمرو انت دلوقتي بتكلم واحده ست متجوزه وبحب جوزي وحامل منه اما بقى بخصوص الكلام اللي انت جاي تقوله ده ففهد قال لي كل حاجه من الاول خالص.
فهد بيلعب بعيلة التمساح
فهد اتفق مع نادر وتوفيق التمساح على انهم يطلعوا عمليه يعلموا فيها السماحي الادب ويردوا على موضوع المخدرات اللي حصل معاهم وبعد كده فهد ونادر بيطلعوا وبيخشوا على بيت السماحي وبيعملوا نمره كبيره بس بيكتشفوا ان السماحي مش موجود وانه خد العربيه قبل لما يجوا على طول ومشي ونادر بيقول له يعني ايه يا فهد هيكون راح فين وفهد بيقول له انا ما اعرفش
وبعد كده فهد بيروح يقابل السماحي عند الحاجه فايزه الشبح والسماحي بيقول لفهد تسلم يا فهد حقيقي معرفه الرجال كنوز الواجب اللي عملته معايا النهارده ده ده جميل عمري ما هنساه ده لولاك كان زماني متغربل برصاص توفيق التمساح.
وفهد بيقول له توفيق نابو ازرق لم يصن العهد اللي كان بينكم علشان كده المعلمه فايزه بلغتني ان انا الحقك
والحاجه فايزه بتقول لفهد انت عارف انا نفسي يجي اليوم اللي تجيب لي فيه رقبه توفيق التمساح والسماحي بيقول لها لا يا حاجه رقبه توفيق وجبت علي انا
وفهد بيقول له يا معلم السماحي رقبه توفيق التمساح تخصنا كلنا واحنا لو حطينا ايدينا في ايدين بعض هنقدر نجيب رقبه توفيق التمساح وانا اوعدك يا حاجه فايزه ان انا مش هجيب لك رقاب التوفيق التمساح بس هجيب لك رقبه توفيق وابنه كمان
ولاء بتوقع بين فهد وكناريا
ولاء راحت لكناريا وقالت لها انا عايز اقول لك على حاجه فهد هو اللي قتل ابوكي
وكناريا بتقول لها انت شاربه حاجه ولا ايه يا ولاء منين العربيه هي اللي خبطت ابوكي ومن فين بتقولي فهد هو اللي قتل ابوكي
ولاء بتقول لها وكتاب الله زي ما بقول لك كده يا رب اولع ان كنت بكذب عليك فهد قال لي ان هو هيضربني هيرمي عليا ميه نار لو ما قلتلوش مكان ابوكي فين يعني ان انا كنت عارفه يا كناريا ما هو مهنا كان ابونا برده وبعد كده فهد راح ليه ورماه قدام العربيه.
وكناريا بتقول لها انت واعيه للي انت بتقوليه ده الكلام ده مش هيعدي كده وولاء بتقول لها هاتي مصحف احلف لك عليه
انا علشان عارفه ان انت ما بتصدقينيش ما برضاش اقول لك على عمايله السوداء معايا فهد عينه مني يا كناريا
لما كنا في المستشفى فهد اخذني جوه الاوضه وكان عايز……. بس انا صرخت وهو سابني
ودايما بيقول لي ان هو بيحبني وعايز يتجوزني وان كناريا دي خرب بيوت وسيبك منها
وكناريا بتقول لها فهد عمل كل ده وولاء بتقول لها ورحمه ابوك عمل اكثر من كده
ولاء ولعت الدنيا نار بين فهد وكناريا
فهد اول لما رجع من بره كناريا جريت عليه ومسكت فيه وقالت له انت اللي قتلت ابويا يا فهد وفهد بيقول لها انا ما قتلتش حد انت اتجننتي ولا ايه وكناريا بتقول له لا ما اتجننتش ولاء قالت لي ان انت رحت معاها عنده كنت عايز ايه
وفهد بيقول لها انا كنت بجري ورا حق اختي اللي ابوكي وهاشم داسوا عليه برجليهم ايه يا كناريا هتصدقي ان هو ابوكي بجد وهتزعلي عليه ولا ايه وكناريا بتقول له اه هزعل عليه ومهما عمل ده كان ابويا واخر حاجه كنت اتوقعها انك تقتله وفهد بيقول لها وانا مش هشيل ذنب ابوكي انا كنت بجري وراه وعربيه خبطته
وكناريا بتقول له وانت كنت عايز منه ايه يا فهد كنت عايز تموته وفهد بيقول لها ما كنتش هموته انا كنت بجري وراه هو وهاشم وهاشم لو كنت مسكته كنت قتلته لكن جري وابوكي لو كنت مسكته ما كنتش هعمل له حاجه علشانك انت يا كناريه لكن العربيه سبقت ني وقتلت مش ده اللي حصل يا ولاء.
وولاء بتقول له يا اخي حرام عليك دلوله ان انا شايفاك بعيني وانت بتزق ابويا كنت صدقتك وعلى فكره انا قلت لاختي على كل عمايلك السوداء معايا منك لله يا شيخ
وفهد بيقول لها بتقولي يا بت انت بتقولي ايه
وكناريا بتقول له اهدى ابعد يا تربيه الشوارع
وفهد بيقول لها انت هتصدقيها ولا ايه وكناريا بتقول له اختي وهصدقها هترجع تكذب تاني انت لسه قايل ان هو مات بسببك ما فيش دخان من غير نار يا فهد
وفهد بيقول لها اسمعي انا رايح انت دلوقتي مش في عقلك انا هسيبك لحد لما تهدي نبقى نرجع نتكلم وكناريا بتقول له لا مش هاهدى ودم ابويا هعرف اخده
نهايه الحلقة 23 .. واخيرا فهد بيقابل امه
فهد اخذ راويه وراحوا المنيا بعد لما اتفق مع صبحي انه يجيب امه الدير ويتقابله في الدير
وفاء راحت لصبحي وبتقول له بالله عليك يا صبحي لو في اي حاجه عن ولادي وبعد كده فهد دخل عليها واول لما شافته بتقول له طمني يا ابني بالله عليك تعرف اي حاجه عن ولادي.
وفهد بيقول لها ليه علشان تقتليهم
وفاء بتقول له اقتل عيالي ده انا عيوني جفت من كتر البكاء عليهم ده انا قلبي مات جوايا من يوم ما تركوني طول السنين وقلبي نفسه يطمن هم عايشين ولا لا وفهد بيقول لها ولادك عايشين
اقرأ أيضا مواضيع ذات صلة
