بوابة الوقائع لكل خبر حكاية
مقالات مشابهة
كتبت فاطمة محمد زكي
تستعرض بوابة الوقائع اليوم ملخص الحلقة 22 من مسلسل فهد البطل والتي شهدت تطورات كبيرة وتصاعد درامي بين فهد ومن حوله .
ملخص الحلقة 22 من مسلسل فهد البطل
بعد لما الحاجه فايزه الشبح كشفت فهد والممرض اعترف ان هو ده اللي اتفق معاه ريكو بيقول لفهد انا حاجه فايزه كنت فاكر ان انا حافظ صاحبي كويس كان نفسي كلام الواد ده يطلع كده ويبرئوا قدامك وقدامي بس انا طلعت غشيم يا حاجه وفهد بيقول له لا يا ريكو فهد البطل هو هو على حطة ايدك
والحاجه فايزه بتقول له انت تخرس خالص يا كلب هان عليك دموعي وحرقه قلبي على ابني ايام وشهور وانت بتعدي عليا وشايفني بتقطع من فراقه وبتقول لي معلش انا هقف جنبك واساعدك وبعدين حطيت ايدك في ايدي وقريت الفاتحه انا الحاجه فايزه الشبح بدور رجاله بشنبات انت تخدعني يا واد وتديني على قفايا بس معلش ملحوقه يا فهد.
وفهد بيقول لها يا حاجه فايزه اسمعيني انا واقف بطولي ورجالتك حواليك وسلاحك في ايدك سيبيني اقول الكلمتين اللي انا عايز اقولهم لو ما صدقتنيش اعملي اللي انت عايزاه بس انا ليا طلب الكلمتين اللي هقولهم يبقوا بيني وما بينك ما ينفعش حد من الرجاله يحضرهم.
والحاجه فايزه بتقول له انت تخرس خالص انا مش طايقه اسمع حسك مش قادره اسمعه وريكو بيقول لها خلينا نسمعه يا حاجه نسمعه المره دي بس.
الحاجه فايزه بتقول له انت لسه بتدافع عنه يا ريكو وهو بيقول لها العيش والملح يا حاجه يخلينا نسمعه.
ريكو بيطلب من الرجاله تنتظر بره وهو كان طالع معاهم وفهد بيقول له معلش ريكو انا عايزك تحضر الكلام ده.
وفهد بيقول للحاجه فايزه انا بريء من ذنب ابنك كل الموضوع ان انا توفيق التمساح طلب مني اجيب ضياء
والحاجه فايزه مصدومه بتقول له توفيق التمساح وفهد بيقول لها ايوه يا حاجه فاكره لما قلت لك ان توفيق طلب مني احضر له عيل سرق منه حاجه وقتها انت قلتي لي اعمل كده علشان اثبت نفسي معاهم وعرضت عليا اخذ رجاله من عندك يساعدوني يعني كل حاجه انا كنت قايلها لك ومش مخبي عنك اي حاجه بس انا ما كنتش اعرف ان الواد ده يبقى ابنك
والحاجه فايزه بتقول له وديته ابني ضياء فين.
وفهد بيقول لها حاجه انت وعدتيني انك تسمعيني للاخر وبعد كده اعملي اللي انت عايزاه ان شاء الله تموتيني هنا انا رحت جبت ضياء من المصحه وضربت على دماغه وخدته في العربيه وسلمته ليه توفيق بعد كده انتهى دوري وحصل اللي حصل.
لما كلمتيني في التليفون وطلبت مني ادور على ضياء ربطت الكلام ببعضه لما قلتي لي انه كان في مصحه عرفت وقتها ان الواد اللي انا اخذته هو ابنك جريت علشان الحق توفيق بس كان قضاء الله نفذ.
والحاجه فايزه بتقول له يعني ايه وفهد بيقول لها توفيق التمساح ضربه بالنار وقتله.
الحاجه فايزه بتنهار اول لما بتعرف ان ابنها مات وبتقول لفهد قتلتوا ابني يا ولاد الكلب.
فهد بيقول للحاجه فايزه وكتاب الله ما قتلتوا توفيق التمساح زي ما قتل ابنك وحرق قلبك عليه قتل ابويا وامي وانا عيل صغير على حياه عيني.
هو ده السر اللي انا كنت مخبيه عنك انا لما جيت شقه تعبان عرفت انك ايدك طايله اخترت اضم عليك علشان اعرف اخذ حقي من توفيق وما قدرتش وقتها اقول لك على السر ده لان انا ما كنتش مامن لك المره دي انت ليكي تار عنده وانا ليا تار عنده سيبيني اخذ حقي وحقك ومصحف ربنا اول حاجه هعملها النهارده ان انا هقتل حفيدو ابن اسيا.
الحاجه فايزه مصدومه بتقول له حفيدو ابن اسيا وفهد بيقول لها ايوه هو غافلني في الجوازه دي وعايز دلوقتي يلبسني عيل مش ابني بنته كانت حامل من واحد غيري وعايز يكتب العيل باسمي اتخانقت معاه النهارده وسبت له البيت بس يمين بالله لارجع اخد روحه حفيدو بايدي.
والحاجه فايزه بتقول له اوعى تعمل كده لو عملت كده التار هيبقى بيني وبينك انت يا فهد الواد اللي في بطنها ده يبقى ابن ضياء.
الحاجه فايزه بتاخد فهد وبتكشف له سرها وسبب كرهها لتوفيق التمساح.
وبتاخده اوضه في فيلتها وفيها حد على سرير العنايه ومتوصل له اجهزه وفهد بيقول لها مين ده يا حاجه والحاجه فايزه بتقول له ده المعلم طلبه جوزي اكبر تاجر رخام في شق تعبان لحد لما دخل حياتنا توفيق التمساح وقرر يشاركنا اشتغلوا في كل حاجه هدد مباني اراضي استوردوا رخام من بره قلت له يا معلم مش شغلانتنا ما لناش فيها وانا مش مستريحه لتوفيق التمساح وما سمعش كلامي لحد لما توفيق نصب عليه وخرب بيتنا جات له جلطه واتشل وبقى مرمي زي ما انت شايف كده.
وفهد بيقول لها وهو على الحال ده بقى له كتير والحاجه فايزه بتقول له سنين يا فهد.
وفهد بيقول لها ده انت ليك الجنه حقها واحده غيرك كانت اتطلقت منه وشافت حالها.
والحاجه فايزه بتقول لفهد ومن وقتها وانا مستنيه توفيق التمساح علشان اخذ روحه
وفهد بيقول لها انا معاكي يا حاجه فايزه في اللي تطلبيه مني لكن لو عايزه تنتقمي من توفيق التمساح فما ينفعش يموت لازم يعيش زي المعلم طلبه لو مات يبقى اتهنى في دنيته وعمل كل اللي هو عايزه انما انا عايزه يشوف الذل ويتهان ويدوق من كسره النفس والقهره اللي يفرجها للناس وبالنسبه لي مش هو لوحده وعمي غلاب معاه ويمين بالله ل هوريه قد اللي هيشوفه توفيق التمساح 100 مره.
الحاجه فايزه بتقول له يبقى متفقين بس في حاجه مهمه بالورقه والقلم انت اتورطت في قتل ابني فهد بيقول لها انا شرحت لك كل حاجه.
الحاجه فايزه بتقول له عايزني اسامحك هات لي حفيدي يا فهد عايزه حته من ضياء تبرد نار قلبي وتصبرني على فراقه
وفهد بيقول لها حاضر يا حاجة.
غلاب راح يزور عمرو في شقته في القاهره ولقى قدامه ورق ملف فهد البطل وبيقول له ايه الورق ده والظابط عمرو بيقول له ده ملف فهد البطل اللي اتجوز اسيا فهد واخته دخلوا الاصلاحيه وبعدها دخلوا دار ايتام وفهد كان مسجون في قضيه قتل ايه اللي يخلي بنت زي اسيا تحب واحد زي فهد الا اذا كان الموضوع فيه ان على الرغم ان اسيا كانت مدياني ريق حلو قبل اللي حصل ده وكيف ابوها وافق بصراحه مش داخل عليا موضوع الحب ده.
وغلاب بيقول له الحكايه دي شكلها كبيره قوي بس قول لي انت قلت لي ان الولد ده متربي في دار ايتام يعني لا ليه اب ولا ام وعمرو بيقول له لا ليه اب وليه ام بس اخذوهم من دار الايتام.
فهد ابتدا اللعبه على كبير مع توفيق التمساح وراح له وقال له بصراحه كده انا زودتها معاك يا حمايا وانا لما قعدت مع حالي وحسبتها عرفت ان انت كان معاك حق غير كده انا ابقى خسران
انا بس ليا طلب صغير عندكم انا عايزك تكبرني يا توفيق بيه وتوفيق بيقول له ازاي
وفهد بيقول له انا دلوقتي جوز بنتك وابو حفيدك انا بقى عايز مقام يليق بيا عايز الكلمه من بعدك ليا.
ونادر بيقول له من بعده ليك طب وانا ايه وفهد بيقول له لا انتم الاتنين زي بعض بالنسبه لي هو انا اقدر اتعداك ونادر بيقول له هو انت ايه غرضك يا فهد وفهد بيقول له غرضي ان انا راضي باللي انتم عايزينه قصاد ان انا يتعمل لي نمره حلوه في السوق تكبروني فبقى فهد البطل جوز اسيا بنت توفيق التمساح مش الواد فهد الاجري
واول عرض هقدمه لك هرد لك على النمره بتاعه السماحي بنمره اثقل منها
وتوفيق التمساح بيقول له ماشي يا معلم فهد.
بنت صبحي راحت لوفاء ام فهد وقالت لها ابويا بيقول لك تقابليه يوم مولد العذراء هو ما يقدرش يتكلم اكتر من كده بس بيقول لك يوم المولد قلبك هيرتاح بس بيقول لك تطلعي وقتها لوحدك.
فهد بيقول لولاء انا كل ده كنت عامل حساب ان انت اخت كناريا الصغيره ده انا هدفنك انت وابوك وولاء بتقول له وكتاب الله ما كنت اعرف حوار الرساله ده ابويا هو اللي عمل كده من ورايا وفهد بيقول لها طيب وحوار فايزه الشبح لما رحتي وبعتيني ليها وولاء بتقول له انت اللي كسرت قلبي وقلت عليا عيله صغيره حبيت بقى اوريك العيله الصغيره دي هتعمل فيك ايه وفهد بيقول لها قسما بالله لولا انك بنت انا كنت حطيتك تحت رجلي دلوقتي وولاء بتقول له ماشي انا هوريك ان انا لسه باقيه عليك وهوصلك للي بتدور عليه وفهد بيقول لها تقصدي ايه وولاء بتقول له ابويا وهاشم.
وفهد بيقول لها وانا مش عايز منك اكتر من كده وصليني بيهم وولاء بتقول له لا مش بالساهل كده.
عندي شرط تطلق كناريا وتكتب عليا.
نادر بيقابل راويه وبيقول لها عندي ليكي خبر هيفرحك جدا اللي انت عايزاه حصل علشان تعرفي بس ان اي حاجه في الدنيا هتتمنيها هعملها ليكي شفتي انا بحبك قد ايه مش انت طلبت مني ان انا اخلص لك على شامل علشان نتجوز.
مش ده مهرك هو انت ما تعرفيش انه مات وراويه بتقول له لا عرفت بس الناس بتقول انه مات موته ربنا انت ايه علاقتك بالموضوع
ونادر بيقول لها ده كلام الناس وكلام الدفاتر انما الحقيقه ايه.
المهم انا كده عملت اللي عليا الدور عليك انت .. وراويه بتقول له وانا عند قولي اتفق مع فهد وانا موافقه
ونادر بيقول لها وانا ليا عندك طلب عايزك تتكلمي مع فهد وتقنعيه ان جوازي منك يبقى في السر وراويه بتقول له ثاني انت هو انا مش قلت لك ان الموضوع ده مش هيحصل
ونادر بيقول لها اسمعيني يا راويه انا ابويا راجل كبير وعندي ومش عايز ادخل معاه في مشاكل انا كل اللي طالبه منك كام شهر وبعدها هعمل لك كل اللي انت عايزاه وانا هعرف اجيبها لابويا بالطريقه وهخليه يوافق.
مرات حيدر اخو شامل بعثت نسوان عملوا نمره قدام بيت كناريا وواحده منهم وقعت في الارض وكناريا كانت طالعه من البيت وقالت لها تعالوا اعمل لها ميه بسكر وبيدخلوا الثلاث نسوان الشقه وخضروا كناريا وامها وفضلوا يضربوا في كناريا في بطنها علشان يخلوها تسقط
شوقي مات
فهد كان متفق مع ولاء على كمين يعملوه لابوها وهاشم وهي ظهرت وقابلتهم واول لما شافوا فهد طلعوا يجروا وفهد طلع يجري ورا شوقي واول لما طلع على الطريق عربيه خبطت شوقي ومات.
نهايه الحلقة .. عجيبة بتقتل عبود
دكتور الصحه راح بيت العمده غلاب علشان يحكي له كل حاجه ناويه عجيبه تعملها وبيقابلوا الغفير عبود وبيقول له ان العمده مسافر بس لو في حاجه قول لي وانا هكلمه فيها والدكتور بيحكي لعبود كل حاجه عجيبه ناويه تعملها.
وعبود بيروح يقابل عجيبه وبيقول لها انت كنت عايزه الزرنيخ علشان تقتلي وفاء ما قلتليش ليه قبل كده وهي فضلت تقول له كنت هقول لك فضلت تحايل فيه واول لما لف ضهره مسكت حجر وفضلت تضرب فيه على دماغه وخنقته وقتلته.
اقرأ أيضا مواضيع ذات صلة
