بوابة الوقائع لكل خبر حكاية
مقالات مشابهة
كتبت فاطمة محمد زكي
يشهد الموسم الرمضاني لعام 2025، مشاركة عدد كبير من المسلسلات التي تتنافس على جذب الجمهور منها مسلسل سيد الناس من بطولة أحمد سعد وأحمد رزق وإلهام شاهين ونخبة من النجوم.
وتتنوع الأعمال المتنافسة في دراما رمضان هذا العام بين مسلسلات كوميدية، واجتماعية، وأكشن، وشعبية، وصعيدية، وإثارة وتشويق، وتدور الأحداث في عدد منها خلال 30 حلقة، وفي عدد آخر في 15 حلقة فقط.
ملخص الحلقة 11 من مسلسل سيد الناس
الجارحي بيستدعي سناء عنده في الورشه واول لما بيشوفها بيقول لها شايفاني دايخ وبلف حوالين نفسي ومش عايزه تريحيني ليه يا سناء، وهي بتفهم انه فهم ان هي تبقى امه وبترد عليه وبتقول له غصب عني ما كنتش اقدر اقول، والجارحي بيقول لها ليه ما كنتش تقدري تقولي ليه انا عايز اعرف كل حاجه ايه اللي دخلك فيه مواضيع ابويا زكريا لما قال لي اسال سناء وان ابوك ما كانش بيكلم حد إلا من على تليفونها ما بقتش مصدق قلت ليه ما بتقوليش.
وبعد كده هي بتاخد بالها انه يقصد حاجه ثانيه وهي بتقول له اصل انا ما اعرفش حاجه هم كام مره كده اللي المعلم رشدي اتكلم من على تليفوني وبعدين انا مين يعني علشان المعلم رشدي يعرفني حاجه عن شغله، والجارحي بيقول لها بلاش لوع و لئم بقى انت تعرفي برهان باشا صح، وسناء بتقول له انا ما اعرفش اي حاجه عن الاسماء اللي انت بتقولها ديي هو زي ما انا قلت لك كده المعلم رشدي خد تليفوني عمل منه كام مكالمه انا ما اعرفش اكلم مين ولا اي تفاصيل عن شغله.
وبعد كده الجارحي بيطلب تليفونها واول لما بياخد تليفونها منها وبيكتب فيه البحث بتاع المكالمات برهان بيظهر له حوالي 4 ارقام لبرهان باشا السوداني، وبعد كده الجارحي بيقول لها ما تعرفيهوش وتليفونك متسجل عليه رقمه 2 مصري واثنين سوداني هو في ايه بالظبط وسناء بتقول له ما اعرفش يمكن المعلم رشدي خد التليفون وهو بيتكلم وسجل الرقم وبعد كده الجرحي بيكتب اسم محسن ضاحي وبيلاقي ارقامه متسجل برضوه.
الجارحي بيطلب من سناء تتصل برقم برهان باشا اللي بيرد عليه وهي بتطلبه واول لما برهان باشا بيفتح الخط بيقول لها الو يا سناء والجارحي بيقول له انا الجارحي ابو العباس معاك يا برهان باشا
برهان باشا بيتصدم بيقول اهلا يا سيد الناس والجارحي بيقول له يعني اختفيت وقلت عدولي ما قلتليش ليه على الشغل اللي بينا علشان نخلص وبرهان باشا بيقول له هو انت محتاج حد يقول لك حاجه يا سيد الناس ما انت عارف كل حاجه والجارحي بيقول له هستناك بكره في المقابر علشان نتكلم براحتنا يا غالي سلام
ادهم بيدخل على مياده من غير ما يتكلم وهي بتقول له يعني ما سلمتش عليا حتى وادهم بيقول لها ابوك يصغر ابويا وصغرني قال لي خلي ابوك يجي يتقدم لي وانا عملت كده وابويا جه وهو رفضه على الرغم ان انا مش قليل انا لو خبطت على اي باب في السبتيه هيدبحوا لي الف دبيحه علشان هيناسبوا ابن الجارحي ابو العباس بس انت ابوكي ما بيفهمش في الاصول يا مياده
ومياده بتقول له يعني انت هتاخدني بذنب ابويا وادهم بيقول لها ايوه يا مياده هاخدك في ذنب ابوكي علشان كل واحد فينا مربوط باهله بسلسله ومياده بتقول له ما تسيبنيش يا ادهم وادهم بيقول لها انت غاليه عندي يا مياده بس مش اغلى من كرامتي ولا كرامه ابويا بس انا لو ما سبتكيش هبقى قليل وانا ما رضاش ان ابوكي يناسب حد قليل انت من طريق وانا من طريق
عاليه كانت مع ساره مرات مجدي في البيوتي سنتر بتاعها وفجاه جالها النزيف ونقلوها المستشفى وبعد كده بنعرف ان الجنين نزل
عبد الحميد السواح ظهر في مكتب الجارحي ابو العباس في وجود مجدي وعفيفي وزكريا ومجدي بيقول له زكريا قال لنا انك اتصلت وقلت اني ليك مفتاح عند المعلم رشدي ومحتاجه وعبد الحميد السواح بيرد عليه وبيقول له مظبوط اريكو عندي 7 مليون دولار
ومجدي بيقول له طيب ممكن تفهمنا المفتاح ده بتاع ايه والفلوس دي بتاعه ايه وعبد الحميد يستوح بيقول لهم ما هو مفروض ان الجارحي عارف كل حاجه وهو عنقودي زي ابوه وعفيفي بيقول له هو عنقودي وكل حاجه بس هو مش موجود دلوقتي فانت ممكن تفهمنا احنا
وعبد الحميد السواح بيقول لهم ابوكم الراجل الهزق اتفق معايا اعلى بيعه الماظ ب 7 مليون دولار وحط الالماظ في خزنه في بنك وكان اتفاقه مع البنك ان الخزنه ما تتفتحش الا لما يكون معاه نسخه المفتاح اللي اداها ليكو واعطاني وقت اجهز الفلوس ولما اجهزها اخذ المفتاح
ومجدي بيقول له يعني المفتاح طلع مفتاح خزنه في بنك وعبد الحميد البسيوني بيقول له يعني انت ما كنتوش تعرفوا اي حاجه ومجدي بيقول له بس سيد الناس يعرف كل حاجه ما هو عنقودي بقى و عفيفي بيقول له معلش هو بس في حاجه هو الالماظ ب 7 مليون دولار ولا ب 14 مليون دولار وعبد الحميد السواح بيقول له هو رشدي فعلا كان عنده الماظ ب 14 مليون دولار باع نص الكميه لناس من سلطنه عمان وكان مفروض يبيع لي انا النص الثاني فين بقى المفتاح.
عبد الحميد السواح بيحط قدام الجارحي واخواته 7 مليون دولار وبيقول لهم انا فلوسي جاهزه فين بقى المفتاح والجارحي بيطلع له المفتاح وبيقول له المفتاح اهو بس انا ايه اللي يخليني امضي وابصم على ان المفتاح ده مفتاح خزنه في بنك وبعدين انا ايه يضمنلي ان الالماس ده ب 7 مليون دولار مش ب 14 اصل انا موضوع سلطنه عمان ده مش شاريه وعبد الحميد السواح بيقول له مفروض ان انت تعرف كل حاجه والجارحي بيرد عليه وبيقول له اه هو انا المفروض ان انا عارف كل حاجه بس انا بعيد عنك عندي زهايمر بفتكر حاجه وسته لا
بعد كده الجارحي بيسيبهم وبيروح لاسر وبيقول له بص يا اسر يا حبيبي ابوك عرف المفتاح ده بتاع ايه المفتاح ده بتاع خزنه في بنك فيها الماس بتاع عبد الحميد السواح وهو قاعد عندي جوه في المكتب ناقص لي حته صغيره بس بالله عليك ما تعزها على ابوك الالماظ اللي في الخزنه اللي في البنك ب 7 مليون دولار ولا ب 14 واسر بيقول له ب 7 مليون دولار بس الالماظ الثاني اتباع لناس تانيه خالص والجارحي بيقول له بيتوع سلطنه عمان شفت بقى ان ابوك عارف كل حاجه واسر بيقول له مظبوط
الجارحي بيقابل برهان باشا في المقابر وبيدي له 7 مليون دولار اللي خدهم من عبد الحميد السواح وبعد كده برهان باشا بيقول له فين السبعه التانيين والجرح بيقول له ما فيش ما عرفتش اتصرف غير في دول وبرهان باشا بيقول له بص يا جرحي انا صبرت عليك كثيرا انت دلوقتي سديت ليا سبعه وباقي سبعه انا لما رشدي طلب مني اجيب له السلاح دفعت 14 مليون دولار واحد ولما رشدي مات ما زعلتش منه رغم انه عطلني الان انا غير معني اطلاقا مين عايش ومين ميت تجيبي الفلوس بتاعتي الكلام انتهى
والجرح بيقول له ما تلويش بوز اهلك بدل ما ادفنك هنا وبرهان باشا بيقول له انا مش هدخل معاك مشكله لسه وقتها ما جاش جهز الفلوس بتاعتي يا سيد الناس
نهايه الحلقة 11 من مسلسل سيد الناس
مجدي كان واقف مع مراته ساره على النيل وعمالين بيتكلموا وفجاه نزلت فتحيه من التاكسي وطلعت من شنطتها سكينه ورايحه على مجدي
