الرئيسية / آخر الأخبار / أرض الدولة خط أحمر .. رسائل الرئيس للمتعدين والمسئولين
الرئيس المصري عبدالفتاح السيسي
الرئيس المصري عبدالفتاح السيسي

أرض الدولة خط أحمر .. رسائل الرئيس للمتعدين والمسئولين

كتبت منال قطيط

شدد الرئيس السيسي خلال افتتاح عدد من المشروعات القومية بالإسكندرية، على أهمية قيمة ارض الدولة والحفاظ عليها من اجل الدولة المصرية .

وجاءت لغة الحوار حاسمة لما لهذا الملف من أهمية قصوى من اجل استقرار الوطن ومتابعة تقدمه، وان ارض الدولة خط أحمر ولا تهاون فى ملف التعديات على أملاك الدولة باعتبارها ثروة طبيعية .

ووجه الرئيس عدد من الرسائل سواء للمواطنين والمسئولين معا ، باهمية المشاركة والتعاون للحفاظ على ارض الوطن وتنميتها.

وحذر الرئيس السيسي بشدة من مواصلة التعديات على الأراضى الزراعية، ومخالفات البناء، قائلا: “عندنا علم وتكنولوجيا يخلينا نشوف شكل الدولة المصرية من 10 سنين بالمللى.. لدينا منظومة قادرة على متابعة التطورات الخاصة بمخالفات البناء والتعديات على مستوى الجمهورية”.

وتابع الرئيس قائلا : “ناوين تعملوا إيه في بلدكم؟ مش عارف أعمل إيه؟، إيه اللى احنا فيه ده؟ ..دي ارضنا واللى بناكل منها انت بتعمل كده ليه عاوز إسكان بنعمل إسكان ومستعدين نعمل اكثر من كده”

وذكر الرئيس: “الدولة بمؤسساتها يا محمد يا زكي مسؤولة عن الحفاظ على الدولة المصرية.. لن اسمح أبدا ان احنا نهد بلدنا ونضيعها كده ، وحد يتصور، لا والله، لو الأمر استدعى هنزل هخلى الجيش المصري ..اذا كنا احنا مقتنعين بمنتهى الجدية الموضوع ده لن اسمح بيه مع كل المحافظات والتعديات واجيب معدات هندسية واجيب واشيل كل الكلام ده فى كل القرى وابيد بكل المعدات الهندسية، بتكلم بمنتهى الجدية والحزم مع كل التعديات”..وتابع: “لا يمكن ان نسمح ابدا، لو الناس مش عاجبها الكلام ده يبقا احنا نسيب المكان ده ونمشي”.

قال الرئيس عبدالفتاح السيسي، إن وقف مخالفات البناء والتعدي على الأراضى الزراعية تكليف وتحدي واختبار للحكومة، معلقا: “ده أمر بقوله على الهواء لمن لا يستيطع أن يتصدى لمشاكل بلده مش عيب يسيب مكانه”.

وأكد الرئيس عبد الفتاح السيسي، أن الدولة المصرية قادرة على رصد التطورات على الأرض يوم بعد يوم و10 سنوات سابقة، وقال الرئيس: “خلال العشر سنوات الماضية أقدر أبص علي أي تجمع وقرية وأقول باليوم هيطلع حصل هنا كذا، بقول كده لان احنا جادين في حلمنا لبلدنا ..لدينا منظومة تستطيع ان تتابع العمل على مدى 10 سنوات ماضية، منذ 2011 وحتى الآن، لأن مش هينفع إن دولة تتحول للكلام اللى احنا بنعمله ده”.

وأضاف الرئيس خلال افتتاح عدد من المشروعات التنموية في الإسكندرية: “عرضت عليكم علشان تعرفوا انا بتالم وبتعذب كل يوم ازاى، وبشوف كل يوم بلدي بتتقطع حتت، وان أهلها بيدمروا، احنا اعدى اعاديها مش اللى بيعملوا معانا الإرهاب بس، لا والله ده عدو،  طيب انت عاوز تبني خليني انظملك وابنيلك انا اخطط الأرض واقولك ابنى هنا، حتى لو كانت على ارض زراعية انما كده لا”.

ووجه الرئيس السيسي حديثه للمحافظين ومديري الأمن: “بقول للمحافظين ومديري الأمن اللى لا يستيطع تحقيق الانضباط بصراحة قولى ده موضوع مش قده سلام عليكم ، اللى مش هيقدر يقوم معانا في اللى تحتاجوا الدولة يقول بصراحة يقول ده موضوع اكبر مني ومش هتدخل فيه وانا هحترم رغبته، والمحافظ ومدير الامن الذى لا يستطيع ان يقف ضد ذلك يقول ده “.

وقال الرئيس السيسي للمخالفينن: “بتعملوا كده ليه؟ احنا مش فاهمين القضية؟ وحجم الطلب على المباني بالطريقة دية انتوا مش هاممكم ابدا بلدكم ولا مستقبل اولادكم علشان تعملوا فيها كده..متخربوش بلدكم والله العظيم ده خراب يا جماعة لدولة الامر لله ثم لينا كلنا ولا يمكن ابدا هسمح بده..ودي رابع مرة اقولها واتكلمت قبل كده من 3 سنين ..هنفضل كده لغاية امتي؟، تقنين الأوضاع منحت صلاحيات كبيرة للمحافظين علشان نخلص الأمور دي بالكامل..فيه دول فيها حاجات كتير من دي لكن فيه دولة عندها حلم انها تبقا دولة كانت في العشرينات من الدول اللى كانت متنظمة اكتر من كده، أنا أقبل البناء لكن يجب أن يكون هناك تخطيط حتى لو على أرض زراعية”.

شاهد أيضاً

البناء على اراضى الدولة

اعرف شروط التصالح في المباني والمحال التجارية المخالفة

كتبت اسراء عبد الناصر شهدت الأونة الأخيرة العديد من مجهودات الدولة ل حماية اراضيها من …

%d مدونون معجبون بهذه: