الأربعاء , نوفمبر 25 2020
الرئيسية / سلايدر / بالفيديو.. سكان قرية بالساحل يهاجمون سيدة بسبب المايوه الشرعي.. انزلي بالبكيني
طالبوها بارتداء البكيني
طالبوها بارتداء البكيني

بالفيديو.. سكان قرية بالساحل يهاجمون سيدة بسبب المايوه الشرعي.. انزلي بالبكيني

كتب فايز سعيد

نشر أحد المواطنين فيديو عبر حسابه الشخصي على موقع التواصل الاجتماعي “فيسبوك” يبين تعرض زوجته للتنمر والهجوم بسبب نزولها حمام سباحة قرية سياحية بالساحل الشمالي وهي ترتدي المايوه الشرعي.

وحكى مصطفى تفاصيل الواقعة التي وثقها بالفيديو قائلًا: “طبعا كل الناس اللي عرفانى عارفة انى مش بتكلم او بعلق كتير على حاجة بس حصلت معايا النهاردة.. مشكلة انا شايف انها ماينفعش نسكت عليها عشان دى هتكون مثال لنا و لأخواتنا و زوجاتنا و لأجيال ورانا كتير ولازم الناس دى تتغير ويكون لها عقاب زي ما ابتدينا نتغير و نغير عقول ناس كتير و مرضى كتير فى مجتمعنا”.

وأضاف: “ده فى مثال واقعى حصل لمراتى النهاردة وانا معاها فى pool فى ستيلا الساحل لقيت سكان جايين يقولولها واحنا فى الماية ماينفعش تنزلى باللبس ده او بالمايوه ده !! قالت ليه بكل استغراب و خوف كما لو كانت عملت حاجة غلط” متابعًا: “واحدة عندها شاليه زيها زي اى حد و ييجى ناس يقولوا لها اخرجى عشان انتى لابسة مايوه شرعى و مضايقة عيوننا بيه!!هنا كله لابس بيكينى او one piece”.

وأستطرد: “وطبعا عشان ناس متتطلعش تقول Stella و نربط مسيحيين معانا أحب اقولك ان فيه بنات و شباب زي الورد مسيحين أكتر من مسلمين و كلهم واحد كانوا بيدافعوا عن مراتى و بيقولوا للناس دي انتو مرضى”.

<iframe src=”https://www.facebook.com/plugins/video.php?href=https%3A%2F%2Fwww.facebook.com%2Fmostafa.hassan07%2Fvideos%2F10163801137850721%2F&show_text=0&width=261″ width=”261″ height=”476″ style=”border:none;overflow:hidden” scrolling=”no” frameborder=”0″ allowTransparency=”true” allowFullScreen=”true”></iframe>

وقال: “أنا شايف اللي حصل ده عنصرية زيهم زى اللي بيقولوا للي لابسة لبس قصير ماتلبسيش و أكيد دول اللي برده عندهم عنصرية اللون و الدين !!ياريت كل واحد يبقى فى حاله احنا فى 2020 يا ناس كفاية جهل”.

شاهد أيضاً

القبض علي شابان بسبب التنمر علي المعاقين

كتبت يمني احمد رصدت أجهزه الامن بمحافظه القليوبيه شريط لكاميرا مراقبه فيديو لطالبان يتراوح عمرهما …

%d مدونون معجبون بهذه: