الرئيسية / أحوال العاشر / تفاصيل وفاة أحد موظفي شركة أفكو التابعة لمجموعة النساجون بفيروس كورونا
النساجون الشرقيون
النساجون الشرقيون

تفاصيل وفاة أحد موظفي شركة أفكو التابعة لمجموعة النساجون بفيروس كورونا

كتب عصام الحوت

توفي مساء الأحد، أحد سكان مدينة العاشر من رمضان، وأحد موظفي شركة أفيكو التابعة لمجموعة النساجون الشرقيون، متأثرا بإصابته بفيروس كورونا.

وأعلن نجل المتوفي على صفحته الشخصية وفاة والده بعد معاناة استمرت 10 أيام مع مستشفيات الشرقية التي رفضت استقبال والده.

ويقول «محمد مشعل» نجل المتوفي (الشركة اللي كان شغال فيها بابا وهي شركة أفكو التابعة للنساجون الشرقيون فيها حالات ومكتمين وقاعدين بيقولولهم برد)، وتابع (مش شركه أفكو بس، أغلب الشركات كده).

الشركة تصف مرض موظفها بالـ «شوية برد»

 وعن إصابة والده يقول (من أسبوع تقريبا أو اكتر بابا تعب جامد فرجعوه من الشغل وهناك في الشغل قالوله ده برد عادي وبعدها بدأ يكح كحه ناشفه أوي وعرفنا بعد كده أنها كورونا).

التأمين الصحي يرفض استقبال المريض

وعن تعامل المستشفيات مع الحالة يقول «محمد»، (روحنا التأمين الصحي في العاشر علشان يتعزل قالوله مفيش مكان اتعزل في بيتك وحاولنا بأى طريقه مرضوش وهناك في التأمين الشركه بتقولهم يقولوا انها برد للناس علشان الشغل ميقفش يعني ده كده سبب الإصابة).

ويواصل (تاني حاجه لما عزلناه في البيت عملناله اوضه لوحده وكنت بدخل اديله الأدوية وجلسات التنفس وكان شويه يتحسن تحسن بسيط وشويه السخونيه والدوخه تشد عليه جامد بس مكناش بنقدر نعمل حاجه لأننا مش دكاترة).

ويتابع (من ساعة ما بابا اتصاب بالفيروس واحنا بندور على مستشفى او اي حاجه على اساس انهم هيفهموا اكتر مننا في علاجه وهيهتموا بيه).

صفحة نجل المتوفي
صفحة نجل المتوفي

 

الخط الساخن للوزارة ميت ومفيش رد

وأكد نجل المتوفي أنهم حاولوا التواصل مع الخط الساخن لوزارة الصحة، 105 إلا أنه لم يتم الرد عليهم، فقاموا بالتوجه إلى مستشفى بلبيس.

ويواصل  (أبويا وأمي راحوا لمستشفى في بلبيس ودخلوهم أوضه، المستشفى خره على حسب وصف امي مش نضيفه والحمام مقفول المهم، علشان ضغط اهلى شافوا ان اي مستشفى المعامله هتبقى فيها احسن وهيفهموا عننا ، المهم قعدوا وادوا لبابا وماما حقن، بعد شويه بابا تعب جامد اوي من وصف امي في التليفون انا سمعت حاجات جديده مكنتش بتحصل هنا في البيت وماما عماله تنده على الممرضين والدكاتره محدش راضي يطلع علشان خايفين يتعدوا وبابا كان بيموت وماما نزلت ليهم علشان يطلعوله فراحوا قايلين ليها قرفتونا بقا جتكوا القرف، مش فاهم ليه ومعرفش ليه ، لغايت ما بابا مات بسبب اهمالهم وخوفهم وبرده مكنوش راضيين يشوفوا حتى مات ولا لا لغايت ما صاحب بابا جاب دكتور وعرفنا منه انه مات)

شاهد أيضاً

تفقد مصانع العاشر

التفتيش على 33 منشأة صناعية بالعاشر وغلق 8 منها لعدم تطبيق الإجراءات الاحترازية

شنت لجنة تابعة لمديرية القوى العاملة بمحافظة الشرقية، حملة مكبرة اليوم الثلاثاء، للتفتيش على 33 منشأة صناعية بمدينة العاشر من رمضان.

%d مدونون معجبون بهذه: