أخبار عاجلة
الرئيسية / آراء حرة / آراء حرة: أمير أبورفاعى يتساءل هى آمال ماهر ضحية ؟!
آمال ماهر وتركى آل الشيخ
آمال ماهر وتركى آل الشيخ

آراء حرة: أمير أبورفاعى يتساءل هى آمال ماهر ضحية ؟!

مقالات الوقائع| أمير أبورفاعى

بسرعة كدة ومن غير مقدمات وبلهجة عامية وربنا يستر ورئيس التحرير ينشر، زى غيرى كتير تابعت مظلمومية آمال ماهر المطربة والقصة اللى حصلت اليومين اللى فاتوا وحوارها – يعنى موضوعها – مع تركى آل الشيخ.

 والتويتات والبوستات والهرى اللى حصل، المهم هوب الموضوع ولع أكتر وتركى بيقولوا سحب استثماراته كمان والنجمة الكل مستنيها تحكى وترغى علشان تكمل.

وبعيد عن فكرة النعرات والشعارات لاقيت نفسى بسألنى هى آمال ضحية؟!

بينى وبينكم كده لاقيت نفسى بقولى أكيد مفيش رماد من غير نار، يعنى بإختصار أكيد القصة والمظلومية بتاعت “آمال” هى جزء منها أو شاركت فيها قبل ما الموضوع يوصل لحكاية الأقسام و معرفش إية.

 وطبعاً وفقاً – حلوة وفقاً – لشعار قناة بيراميدز بتاعت تركى آل شيخ اللى هو “غير مبادئك” إتصرفت آمال وده طبعاً اللى وصل الأمور لكده.

 وبعيد عن حكاية سحب الاستثمارات اللى مبنية على شعار “بيراميدز” كان لازم المستشار تركى آل شيخ يكون أكتر هدوء.

لأن ضريبة الشخصية العامة مش بسيطة بالمرة، يعنى أخبار وأضواء وحكايات وروايات مش لازم كلها تكون على المزاج.

المهم برضو، هى “آمال” ضحية؟! ، طب ضحية إية وليه؟ يعنى دلوقتى بعد الشهرة والأضواء الحياة قلبت تهديدات وأكونتات فيك وتشوية ومعرفش إية، طب حد يكلمنى على البدايات؟!.

طب هى ضحية؟! ومظلومة وبتدافع عن مبادئ وكلام كبير طب حلو الكلام بس هو إية اللى جاب القلعة جنب البحر؟!

يعنى مثلاً ماكنش فى سابق معرفة ولا حورات ولا مواضيع مثلاً يعنى.

متأكد إن الكلام هيزعل ناس كتير بس بالعقل كده الموضوع أكيد لية رؤية تانية مش هتبان غير بالعقل مش بالعواطف والنعرات والشعارات اللى ياما شبعنا منها المفروض.

 وطبعاً آمال هتزعل وتركى هيزعل بس أقول إية شوفت الموضوع كده ويا ريت حد يجاوبنى هى آمال ضحية ؟!

بس قبل ما تجاوبوا لازم تعرفوا إن مفيش رماد من غير نار.

شاهد أيضاً

الشاعر والمصور وسام الدويك

وسام الدويك يجيب عن.. ما الذي يمنع السياح الأجانب من القدوم إلى مصر؟

آراء حرة| وسام الدويك يكتب.. ما الذي يمنع السياح الأجانب من القدوم إلى مصر؟   …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: