بوابة الوقائع لكل خبر حكاية
مقالات مشابهة
كتب محمد عبدالله
تصدرت تصريحات الفنانة فيفي عبده مؤشرات بحث جوجل، في الجزء الأول من حلقتها ببرنامج «حبر سري» والذي تقدمه الإعلامية أسما إبراهيم، المذاع على قناة «القاهرة والناس».
ونشرت فيفي عبده ، بوستر الحلقة على حسابها الخاص بموقع «إنستجرام»، وعلقت قائلة: «الجزء الأول من حلقتي في برنامج حبر سري، شكراً لكل حبايبي جمهوري اللي بحبهم وبيحبوني، ربنا يخليكم ليا وأن شاء الله الجزء التاني يعجبكم»
وأطلقت الفنانة فيفي عبده خلال الحلقة عدة تصريحات عن حياتها الشخصية، خلال لقائها مع الإعلامية اسما إبراهيم، على برنامج «حبر سري»، المذاع على قناة القاهرة والناس.
فيفي عبده : فتحت التربة بتاعتي أيام كورونا
وقالت: «روحت فتحت التربة بتاعتي، كله بيفلسع ولازم أفكر في تحضير التربة ليا، والناس ماتت أيام كورنا كتير، وأول خروجة خرجتها رجعت وأنا درجة حرارتي 39 ، والسنتين اللي قعدتهم بعدها مجليش حاجة، ومرة تانية طلعت جالي سخونية وحرارتي كانت 39 ونص».
وعندما وجهت اسما إبراهيم سؤال لـ فيفي عبده، وهو هل من الممكن أن تعيش مع الأموات، لترد عليها: «الإنسان مهما يلف الموت لابد منه، واللي ورقته تقع من الشجرة ويجي عليه الدور، خلاص ».
بشتري كفن جديد من السعودية كل سنة
وتابعت: «بتابع التربة بتاعتي وكل فترة بشوفها، واتأكد منها وأشوف أنا هنام فين وإزاي، وأنا كفني كل سنة بشتريه من السعودية وأخليه معاي، وبعد كده تتصدق بيه، ومكتبش وصية وسيباها على الله».
وأردفت: «أنا مع أي حد يموت يصرف كل مليم معاه وميسيبشي ولا اي تعريفة، يصرف لآخر مليم في جيبه، خليها على الله، القرش احنا اللي بنجيبه، المهم صحتنا».
كل الرجالة بتخون
كما ظهرت فيفي عبده، في إحدى فقرات البرنامج وهي ترى نفسها أثناء تقدمها في العمر وتشعر بالصدمه وترد على الأسئلة الموجهة من الإعلامية أسما إبراهيم وتقول «كل الرجالة بتخون».
وعن موقفها من وفاة اثنين من أشقائها في نفس العام، علقت الفنانة فيفي عبده، قائلة: « وفاة اثنين اخواتي في سنة واحدة كان خنجر دخل في قلبي ومكنتش عايزة أشوف حد ولا اتكلم مع حد، إحساس وحش أوي».
وفاة أخواتي كان خنجر في قلبي
وأضافت: « كنت باخد مهدئات ونفسيتي كانت وحشة، وأنا اضعف إنسانة في الدنيا، وباخد القوة من حب الناس ليا، وبهرب من الناس لما بكون متضايقة »
وتابعت: «أنا أضعف إنسانة في الدنيا والقوة اللي بظهر بيها بأخذها من حب الجمهور وبيعطوني الطاقة أقف واقوم لكن ده حال الدنيا، ولما بيحصل كده من فقدان أهل بهرب وبفضل نايمة ومش عايزة حد يفكرني ولا يقولي البقاء لله ولا عايز أوجه حد والألم بيكون فظيع”.
ويشار أن مسلسل «شغل في العالي» كان آخر أعمال فيفي عبده الفنية عام 2022، وحقق نجاحا كبيرا، بسبب الديو المميز الذي يجمع شيرين رضا وفيفي عبده، حيث خطف الثنائي الأنظار إليهما في رمضان في ظل المنافسة الشرسة التي شهدها موسم مسلسلات رمضان 2022، لكونه أول تعاون بينهما، بالإضافة إلى أنه أعاد الفنانة فيفي عبده إلى الماراثون الرمضاني بعد غياب عامين عن جمهورها ومحبيها.
عرسان فيفي عبده
وتحدثت “فيفي” عن كواليس أعمالها الفنية، وعلاقتها بنجوم الوسط الفني، كما كشفت عن العديد من الأسرار لأول مرة.
وعن طلبات الزواج التي تتلقاها علي السوشيال ميديا قالت “فيفي”: ” أنا بحب شغلي وأنا صاحية لشغلي وعارفة ازاى ابقى موجودة وكل يوم بيجيلي عرسان وطلبات إني أطلق من جوزي يعني عشان اتجوزهم ولو أنا مش مرتبطة أتجوز طبعًا”.
